Outes activou un centro de emprendemento ao servizo das iniciativas locais innovadoras
luns, 13 de decembro do 2021
Outes
conta dende
estes días
cun espazo de traballo colaborativo para promover o nacemento de
empresas, xerar emprego e contribuír á dinamización económica da
localidade. O Centro
de Emprendemento de Outes (CEO),
situado en pleno corazón da Serra, ofrece
a todas as persoas emprendedoras do municipio un espazo de traballo
dotado de mobiliario, conexión de Internet
a alta velocidade, sala de reunións así como asistencia técnica e
apoio no proceso de desenvolvemento e consolidación de iniciativas
empresariais.
O
CEO comeza cunha capacidade de seis postos de traballo situados no
andar
baixo
das antigas escolas do Bosque, na rúa
da Capela, se ben en función da demanda pódense habilitar outros
seis postos de traballo no
andar superior. Nace
poñendo o foco, principalmente, en iniciativas tecnolóxicas e de
transformación.
O
alcalde, Manuel González López, dixo
que o espazo de coworking
“aspira a servir de lanzadeira para a creación de empresas e
a xeración de emprego”. E
engadiu que o obxectivo é
“fixar en Outes profesionais relacionados con actividades de
servizos diversas, como as vinculadas coas novas tecnoloxías”.
Tamén indicou que xa se mantiveron conversas coa Deputación para
unirse á súa Rede
de Espazos
de Coworking
e obter desa maneira o apoio para ampliar as instalacións e para o
funcionamento das mesmas.
O
investimento realizado aproxímase aos 40.000 euros, dos cales algo
máis de 28.000 € correspóndense
a fondos europeos achegados polo Grupo de Desenvolvemento Rural
DELOA.
As
persoas emprendedoras e profesionais
que queiran facer uso destas novas instalacións poderán tramitar a
solicitude en calquera momento. Os requisitos para optar a unha praza
están dispoñíbeis
na páxina web do concello
e os interesados poderán pedir máis información nas oficinas da
Axencia de Desenvolvemento Local, no
Consistorio.