Outlook.com preséntase como a nova solución de correo electrónico de Microsoft (e en galego)
martes, 31 de xullo do 2012
- Outlook.com pode empregarse en galego
Microsoft parece querer converter o ano 2012 no punto de
inflexión da compañÃa, co lanzamento do Windows 8/RT, Windows Phone 8 e
Surface, e agora tamén decidÃndose a acompañar estes produtos cunha renovación
da súa plataforma web de correo electrónico, de xeito que Hotmail pasa a un
segundo plano para quedar en primeira liña de fogo Outlook.com.
O novo servizo permite que os actuais usuarios de Hotmail (ou simplemente
contas Microsoft) poidan acceder ao novo webmail, que permite xestionar tanto
enderezos de hotmail.com, hotmail.es e live.com, como crear un alcume que
facilite o uso de contas de correo baixo o dominio Outlook.com.
- Entre as funcionalidades de Outlook.com está a integración de Skype
O novo Outlook.com aproveita o deseño Metro de Windows 8, permite centralizar
as nosas diferentes contas de correo electrónico, abre a porta á realización de
mensaxerÃa instantánea (tanto de Windows Live Messenger como do chat de
Facebook) e videoconferencias a través de Skype e, afortunadamente, permite a
configuración da interface en pantalla para o seu uso en galego (algo ao que
inexplicablemente se resiste Gmail pese a estar xa traducido a español, catalán
e éuscaro).
Podemos considerar que estamos ante o renacemento de Hotmail (aÃnda que a vella
interface web de correo electrónico continúe dispoñible) pensando nos novos
dispositivos móbiles e aproveitando as novas interfaces que Microsoft está a
introducir no seu software, cunha aparencia moi limpa que de seguro que
agradecerán moitos usuarios.
O correo de Outlook.com tamén ten unha capacidade virtualmente ilimitada, o que tamén pode ser un interesante reclamo
para introducirse no que aÃnda é un servizo en probas que nos vindeiros meses
incorporará numerosas novidades e melloras.
