Padrón acolle hoxe un Hackaton a prol da inclusión TIC dos colectivos con discapacidade intelectual
mércores, 4 de novembro do 2015
O Concello de Padrón organiza hoxe unha actividade
encamiñada a facilitar a persoas con discapacidade intelectual e
cognitiva o emprego de material informático da
súa aula CeMIT. Falamos da primeira
convocatoria do Hackatón Solidario, convocada polo Concello
local en colaboración con AMTEGA. No encontro, os participantes
compartirán as súas ideas para permitir e impulsar o afianzamento
destes colectivos nos recursos da Sociedade da Información.
Participará, entre outros expertos, o presidente do Colexio
Profesional de EnxeñarÃa en Informática de Galicia, Fernando
Suárez.
A iniciativa xorde do proxecto de innovación
socio-dixital Intro para tod@s, impulsado polo Concello a
través da súa Aula CeMIT e co apoio e colaboración da Axencia para
a Modernización Tecnolóxica de Galicia (AMEGA) e a Asociación
de Nais e Pais de Persoas con Discapacidade Intelectual (AMIPA) da
comarca do Sar e Fundetec. Do marco dese proxecto abrolla, polo
tanto, o primeiro Hackatón
Solidario sobre usabilidade e accesibilidade das TIC baseado en
software libre, que aspira a que desenvolvedores de sistemas e
empresas adicadas á tecnoloxÃa sumen solidariamente os seus
esforzos para loitar contra a fenda dixital que afecta aos devanditos
colectivos e a prol da súa plena inclusión na Sociedade do
Coñecemento.
Segundo informa o CPEIG, Fernando Suárez
encargarase, xunto co resto do comité de expertos, de valorar e
identificar a viabilidade e calidade dos prototipos presentados
durante a segunda parte do Hackatón. O comité terá como referencia
as necesidades expostas desde a Aula CeMIT, plasmadas nas bases do
concurso.