Pearl Jam podería contar cun Rock Band de seu en 2010

MTV Games e Harmonix poderían estar a traballar nun hipotético Pearl Jam Live: Rock Band para 2010, seguindo os pasos do AC/DC Live: Rock Band, o que máis que un novo xogo de Rock Band foi unha simple edición do mesmo cunha listaxe de cancións dunha banda en concreto. Esta información chegou dende a propia páxina web do grupo, onde publican unha listaxe de temas musicais da formación interpretados en directo, e convidan aos seus seguidores a elixir as mellores versións de cada un (para o que precisan do reprodutor Rhapsody).
Deste xeito, as versións de cada canción que conten con máis reproducións serán as elixidas para integrarse no futuro xogo.