Pêcha a publicación Medium en español
martes, 21 de febreiro do 2017
O mes pasado a plataforma de publicación de contidos máis
prometedora dos últimos anos, Medium, anunciaba
que non tiña conseguido acadar un modelo de negocio sustentable, xa que os
ingresos por publicidade non eran quen de soster o seu crecemento usuarios,
polo que estaban a preparar un cambio de rumbo, que comezaba prescindindo da
cuarta parte do seu cadro de persoal, o que está a ter consecuencias directas
como o peche
da publicación chamada Medium en español, que era un excelente xeito de atopar
contidos de calidade na lingua de Cervantes.
En Medium
en español seleccionáronse milleiros de historias en español de usuarios de
Medium, de xeito que facilitaba a localización de bos contidos nesta plataforma
que non estivesen en inglés (lingua dominante en Medium) e dado a que agora
centran os esforzos da compañÃa nas súas oficinas de San Francisco, tiveron que
optar por deixar de escolmar contido en español na publicación.
En calquera caso advirten que o cesamento da publicación en español non afecta
aos contidos que teñen na plataforma, pois continúan a estar activos moitos
escritores publicando artigos de interese, de aà que recomenden seguir a algunhas publicacións en español que
consideran de calidade ou a
etiqueta español para poder localizar de xeito doado contidos en español.
Temos asà que só di adeus unha publicación dentro de Medium, pero a plataforma
continúa a ser un lugar moi axeitado para o contido en distintas linguas, só
que resulta máis complicado que as historias consigan unha maior visibilidade.