Pepephone lanza a súa fibra óptica de 300 Mbps simétricos a 34,6 euros/mes
luns, 3 de abril do 2017
Tras
varias semanas de rumores e filtracións por
fin é oficial a oferta de fibra óptica de Pepephone, que adopta unha
fórmula inédita no mercado, xa que busca conseguir o mellor prezo do mercado
sen promocións nin compromisos de permanencia, pero co atranco de contar con
cota de instalación de 150 euros (que pode pagarse de xeito aprazado) e
precisar dun router (que custa 40 euros) de xeito que convértese nunha das
mellores opcións (unha vez amortizados os gastos iniciais) para quen
simplemente quere ter banda larga de calidade no fogar e non ten interese na
combinación de contratos de servizos de telefonÃa e televisión.
Este servizo anunciado como
«a fibra máis inxenua», ten un prezo de 34,6 euros/mes, precisa de pagar
150 euros de alta e 40 euros polo router, carece de promocións e permanencias e
nin sequera inclúe teléfono fixo (aÃnda que tampouco hai que pagar a cota de
liña, gasto que outros operadores tenden a ocultar ao anunciarse), ou sexa, que
pese ao eu prezo atractivo, ten serios atrancos para captar novos clientes. De
feito, para facilitar a contratación a cota de instalación pode fraccionarse,
pagando 50 euros co comezo e logo 10 euros/mes durante 10 meses, mentres que
para o router facilitan a compra dun ZTE ZXHN F680 con Wi-Fi AC por 40 euros (que integra ONT o que simplifica
a instalación).
A fibra de Pepephone achega conexións simétricas de 300 Mbps, aÃnda que polo
momento aÃnda non contan cunha cobertura moi ampla, ofrecendo aos domicilio sen
cobertura da rede de fibra óptica de MásMóvil a posibilidade de contratar un
ADLS de 20/1 Mbps por 23,6 euros/mes que
terÃa unha alta de 50 euros, o que pode ser unha oferta interesante en moitos
casos (por non contar con cota de liña).