Pexego desenvolve un simulador universal para tódolos procedementos industriais
mércores, 12 de xaneiro do 2011
A empresa galega Pexego vén de deseñar unha
ferramenta informática que posibilita crear nun computador unha imaxe fidedigna
dun procedemento industrial calquera. A firma, con sede e Lugo e integrante da
asociación Ineo, enche deste xeito un
importante oco na oferta tecnolóxica galega e estatal, e faino botando man da súa
experiencia, xa que o que agora presenta é unha evolución e unha ampliación dos
recursos de simulación aplicados no sector lácteo. Segundo se informa na
prensa galega, demanda non lle vai faltar ao novo desenvolvemento de
Pexego, xa que unha das claves da competitividade e do medre produtivo de hoxe é
acadar servizos que axuden a facer máis doados e rápidos os procesos
industriais.
O abano de posibilidades da ferramenta é ben
amplo, e pode ser aplicada a calquera ámbito produtivo ou sector, informan os
seus responsables.
O simulador de Pexego, en cuxa posta en marcha
colaboraron varias universidades e un programa europeo, achega tamén o
beneficio da carretabilidade. Dito
doutro xeito: énos posible descargar o programa e albergalo nun dispositivo
USB, dándolle uso logo dende calquera equipo informático ou aparello móbil con
acceso á Rede.
O programa, que non precisa instalación, é
compatible con calquera navegador en liña. A súa gran vantaxe reside no aforro
de custes e de esforzos que supón para calquera compañÃa, informan os
responsables da empresa con sede en Lugo. Sobre este punto e para ir facéndonos
unha idea dos seus beneficios, o seu emprego farÃa que deixase de ser necesaria
a realización de plantas piloto, que en case tódolos casos precisan unha chea
de cartos para a súa posta en marcha.