Plex Cloud abandona a súa beta pechada
xoves, 9 de marzo do 2017
Tras un bo tempo en probas o
servizo Plex Cloud ábrese a todos os subscritores de Plex Pass, de xeito
que os que queiran gozar desta atractiva prestación só terán que pasar por
caixa (sen ter que agardar a ser incluÃdo no programa pechado de probas), o que
abriralles a posibilidade de non ter que correr un servidor Plex nun ordenador ou
disco duro en rede, senón que poderán gozar das vantaxes de Plex con contidos
almacenados nos servizos de almacenamento na nube de Dropbox, Google Drive e
OneDrive (persoal). Por desgraza o
sistema retirou a compatibilidade con Amazon Drive (que tiña almacenamento
ilimitado na nube) por non conseguir operar con estabilidade con tal
plataforma.
Estamos ante o meirande incentivo para contratar Plex Pass, servizo que
custa 4,99 euros/mes (ou 39,99 euros/ano), e que ate o momento tiña só un
reducido número de prestacións reservadas para subscritores (como a
sincronización entre dispositivos ou a posibilidade de gozar de varias contas
de usuario), pero que ao facilitar o uso dun servidor Plex na nube gaña
enteiros, por achegar un xeito moi cómodo de gozar de Plex dende varios
dispositivos e incluso en mobilidade, sen ter que ter un servidor acendido as
24 horas.
Para os que non o coñezan, Plex é un servidor de contidos multimedia, que
permite transmitir as nosas coleccións de fotografÃas, música e vÃdeos en
calquera momento e lugar a calquera dispositivo que conte cunha versión da
aplicación cliente de Plex (ordenadores, consolas de videoxogos, televisores
conectados, smartphones, tabletas...) contando cunha interface atractiva que
engade información sobre os contidos (como portadas e sinopses de pelÃculas e
series de televisión) e incluso permite levar un control dos contidos
reproducidos (marcando se algo xa se veu e conservando o último punto de
reprodución), no que poderÃa describirse como un Netflix coa nosa colección
multimedia persoal.
VÃdeo promocional de Plex Cloud