Pontón visita a Cidade das TIC e cualifica o proxecto de “oportunidade única”
luns, 19 de decembro do 2022
A
portavoz nacional do Bloque Nacionalista Galego, Ana Pontón, visitou
na mañá deste luns 19 de decembro as obras da futura Cidade das TIC
na Coruña, un área de 128 quilómetros cadrados para o
desenvolvemento da innovación tecnolóxica e de empresas punteiras
que se está a materializar na sede da antiga Fábrica de Armas.
Pontón,
que estivo acompañada do portavoz municipal, Francisco Jorquera, da
concelleira Avia Veira e da deputada pola Coruña, Mercedes Queixas,
foi guiada polos distintos elementos da nova infraestrutura polo
reitor da UDC, Julio Abalde, e polo presidente do Clúster TIC
Galicia, Antonio Rodríguez del Corral.
En
palabras de Pontón, “a Cidade das TIC é unha gran xanela de
oportunidade para pór Galiza á vangarda da ciencia e das n ovas
tecnoloxías”. Tamén aproveitou para pedir un pacto galego pola
ciencia “elevando o investimento ao 2,5% do PIB” e “creando
InnoGAL”, unha iniciativa galega ao servizo da captación e
retención de talento. Para Pontón, a Cidade das TIC, xunto posta en
marcha da AESIA (a Axencia Española para a Supervisión da
Intelixencia Artificial, que terá a súa sede na Coruña) é “unha
oportunidade única para a cidade galega e para o conxunto do país”.
Como
dixemos, a líder do BNG puxo o foco nun “necesario pacto galego
pola ciencia e a innovación, un pacto que permita que cara o
horizonte do 2030 destinemos o 2,5% do PIB a este ámbito, que é
fundamental tanto para desenvolver as tecnoloxías emerxentes no noso
país como para mellorar a competitividade das nosas empresas e facer
de Galiza un referente neste ámbito”.
Para
orientar a Galiza nesa dirección, a portavoz nacional detallou as
propostas do BNG para
O
BNG propón ademais a creación de InnoGal, un programa de retención,
captación e retorno de talento, semellante aos xa existentes en
Euskadi (Ikerbasque) e en Catalunya (iCrea). Este programa, dixo,
“promovería a contratación de persoal investigador, máis aló do
vinculado ás universidades, e deseñar unha carreira investigadora
completa e estábel para evitar un custe de perda de talento
investigador”. Pontón dixo que este custe “pode chegar cada ano
pode chegar até os 311 millóns de euros, o que implica que nas
última década Galiza perdeu máis de 3.000 millóns de euros en
talento investigar formado pero que marchou do país”, explicou, ao
tempo que propuxo a creación dun consorcio de captación e
competencias dixitais coa participación da Xunta, as entidades
locais e o sistema universitario, que avance na dixitalización das
administracións e das empresas, con atención especial ás pequenas
e medianas empresas e á economía social, ademais de poñer o foco
nos procesos de dixitalización dos lugares de ensino, arquivos e
biblioteca.
Para
o financiamento destas medidas o BNG propón destinar a ese fin o
2,5% do PIB como reto a acadar de aquí a 2030 para “situar a
Galiza na media europea e sacala do furgón de cola onde está hoxe
cun investimento que apenas acada o 1% do PIB”.