Preocupación ante a aparición dun troiano para Mac
venres, 2 de novembro do 2007
- Imaxe do troiano para Mac OS X facéndose pasar por un codec de vÃdeo
O aumento de vendas de ordenadores de Apple fai que os creadores de malware comecen a ter en conta o Mac OS
X entre os seus obxectivos, e asà dende a empresa de seguridade informática Intego alerta da aparición dun
troiano para Mac que se fai pasar por un codec de vÃdeo preciso para ver certos vÃdeos con contidos pornográficos
cando en realidade se trata dunha aplicación que modifica as DNS empregadas
polo noso equipo, de xeito que cando un usuarios intenta visitar páxinas web de
poxas ou bancos se ve remitido a webs falsas sen que se poida percibir tal a
simple vista, o que se pode aproveitar para o roubo de datos e contrasinais.
Ante esta nova hai que ter en conta, por unha parte, a súa fonte (unha empresa
que comercializa antivirus para Mac, entorno onde as ferramentas de seguridade
informática son pouco habituais) e, por outra, que ter un sistema operativo ou
outro non permite a ninguén estar seguro na Internet, polo que certas precaucións
son sempre aconsellables.
Este serÃa un dos primeiros casos nos que un malware para Mac fose algo máis que un desenvolvemento de
laboratorio, e parece ser
unha punta de lanza deste tipo de aplicacións con malas intencións. De
feito, os creadores de webs que queiran enganar ós usuarios poden
remitirlles troianos para Windows ou para Mac OS X segundo o sistema operativo detectado
nos equipos que visitan as webs de reclamo, incrementando a base de
posibles infectados por estas aplicacións, de aà que poidamos dicir que os maqueiros xa non están libres deste tipo
de ameazas.