R incorpora á súa nova rede de fibra óptica 300 novos inmóbeis de Nigrán
xoves, 24 de marzo do 2022
Medra
a comunidade de inmóbeis de Nigrán con posibilidade de conectarse á
rede de nova xeración de R. En concreto, sumáronse a este colectivo
os núcleos do Quinteiro, Lugar do Monte, Albores, As Medoñas e O
Carballal, achegando 300 novos inmóbeis conectados que xa poden
dispor de accesos ultrarrápidos a Internet de ata 10 GB simétricos
e gozar, en palabras da operadora de orixe galega, “dos servizos
máis avanzados de telecomunicacións do mercado”. A incorporación
deste núcleos foi posíbel grazas á despregadura de nova rede de
fibra que o operador galego está a levar a cabo nas catro provincias
de Galicia dende a primavera de 2021.
O
operador galego xa acometera en Nigrán outras despregaduras previas
das súas redes nos núcleos do Carregal, Lugar do Monte,
Albores-Pequeño, As Medoñas, Barxa, Barcalleira, Ceán ou
Carballeira onde se conectaran en total ás redes avanzadas de R
arredor dun milleiro de vivendas e empresas deste concello da ría de
Vigo.
Cando
rematen os traballos enmarcados no vixente Plan Avanza no que R
traballa, arredor de 6.000 fogares e negocios teranse unido xa á
rede de fibra óptica no concello de Nigrán, pois aos conectados na
contorna do Plan Avanza haberá que lles sumar os activados a raíz
doutros desenvolvementos de rede que R vén realizando no municipio
dende hai anos.
Este
e outros desenvolvementos de rede na provincia de Pontevedra forman
parte dun dos tres proxectos do Plan PEBA-Avanza do Ministerio de
Asuntos Económicos e Transformación Dixital dos que R resultou
adxudicataria en 2018 para despregar a tecnoloxía FTTH en 512
núcleos de Galicia que non dispuñan de alta velocidade ata o
momento (“zonas brancas”).
No
desenvolvemento do tres plans investirase un total de 10M€, dos
cales preto de 8M€ son subvencionados polos fondos FEDER da Unión
Europea. En concreto, as despregaduras de Nigrán enmárcanse no
proxecto destinado á extensión de redes de nova xeración en 196
núcleos de municipios do suroeste de Galicia (Pontevedra). Os
traballos nestas zonas suporán un investimento total de 3,75M€.