R remata o ano ofrecendo servizos de transformación para pemes
xoves, 30 de decembro do 2021
A
empresa de telecomunicacións R, agora integrada no grupo Masmovil,
vai rematar o ano cunha importante novidade nos seus servizos:
ofrecendo aos seus clientes de empresas un amplo abano de servizos de
dixitalización e recursos para tramitar axudas do Goberno e
implantar servizos. Faino ao abeiro da iniciativa estatal Kit
Dixital.
O
Kit Dixital é
unha medida do Goberno central para impulsar a transformación das
pequenas e medianas empresas. Faino mediante axudas en forma de bonos
de até 12.000 euros. O obxectivo de R é converterse “no axente
dixitalizador que empreste asistencia ás empresas solicitantes
durante todo o proceso”.
Para
este lanzamento, a compañía recoñece contar “con importantes
alianzas estratéxicas que van desde acordos con grandes empresas e
partners de referencia”, ao que se engaden acordos con pemes
nacionais e locais. “O noso principal aspecto diferencial”,
explican fontes da operadora, “é a sensibilidade cara ás pequenas
e medianas empresas e as súas necesidades máis aló da propia
dixitalización”. Desta maneira, a firma comprométese a empregar
todos os seus recursos para acompañar e asesorar ás pequenas e
medianas empresas “de forma que estas poidan contar con solucións
áxiles e sinxelas”.
Para
o devandito obxectivo, R ofrecerá apoio e asesoramento ás empresas
que soliciten o bono dixital a través de múltiples solucións
dixitais, que se poderán implementar mediante melloras no sitio web
e na seguridade das comunicacións, como tamén coa consolidación da
presenza dixital, coa innovación en correo electrónico, coa xestión
de redes sociais e de clientes, co desenvolvemento de tecnoloxías
de business intelligence e analítica, coa xestión de
procesos, coa factura electrónica, cos servizos e ferramentas de
oficinas virtual, e coa ciberseguridade.