R xa achega Fibra MAX a 13.000 fogares e empresas de Cambre, Cangas e Ribadeo
xoves, 5 de xaneiro do 2023
A
operadora de orixe galega R rematou o ano facendo balance da súa
cobertura de fibra óptica (tecnoloxía FTTH) nos concellos de
Cambre,
Cangas
e Ribadeo,
onde foi quen de dar importantes pasos en número de fogares e
empresas que teñen ao seu dispor a banda larga proporcionada por R,
con todas as vantaxes (de comunicación, de acceso á información,
de teletraballo, de formación e de lecer) que a fibra avanzada pon
en xogo.
No
caso de Cambre, máis de 5.000 negocios e vivendas
particulares do concello descubriron xa as vantaxes da fibra MAX de
R, achegándolles até 10 GB de velocidade da Internet, o que
representa, segundo R, unha rapidez catro veces maior ca outras
fibras. A operadora tamén explica que se trata dun servizo
simétrico, con igual velocidade de subida que de baixada e que se
ben de momento os usuarios/as particulares xa gozan de 1 Gb, a
infraestrutura está preparada para chegar aos 10 Gb.
No
que atinxe a Cangas, a fibra de R (a de “meirande
velocidade, seguridade e prestacións do mercado”, en palabras da
empresa), máis de 3.000 empresas e particulares de Cangas xa están
a aproveitar as vantaxes da fibra óptica ata o fogar (FTTH). E con
este ano que comeza a intención é “seguir impulsando tarefas de
mellora continua para sermos o operador con máis cobertura propia na
localidade”, indican dende R.
Por
último, Ribadeo é outro dos concellos que “contan coa rede
de fibra máis rápida do mercado” e no seu termo municipal arredor
de 5.000 vivendas e negocios están a tirar proveito xa da fibra MAX
que ofrece a operadora de orixe galega. A empresa explica ás
familias e empresas do concello que aínda non contan coa súa
cobertura que a súa intención é ser “a operadora con máis
cobertura propia en Ribadeo, así que seguimos traballando para que
cada vez máis veciños poidan acceder á rede de fibra máis moderna
do mercado”.