Ryanair celebra o April Fools cunha suposta unha web de contidos sexuais

Poñer en marcha unha web de contido erótico para ir pasando as horas mortas mentres viaxas en avión semella algo así como botar leña ó lume para os cardíacos, pero, se temos en conta o que conta Ryanair nun comunicado na súa web, debe ser algo do máis natural e, tamén, un bo xeito de diversificar o negocio, sobre todo se temos presente que o sexual segue a ser, para que nos imos a enganar, unha aposta por cabalo gañador. Así o fai saber hoxe a empresa no dito anuncio en liña, finalmente unha das moitas brincadeiras lanzadas hoxe na Web con motivo do Día dos Santos Inocentes no eido anglosaxón (o April Fools) e na que advirte da inminente posta en marcha de Ryanbare, páxina de contidos para adultos.
A web en cuestión é en realidade unha estratexia comercial para advertir doutro tipo de "destape", o dos prezos.
A páxina seguiría o ronsel de previas experiencias da firma neste eido do erotismo en liña, como por exemplo a do calendario caritativo As mozas de Ryanair. Con todo, a proposta do 1 de abril, malia ter a súa graza (podemos imaxinar múltiples escenas de quentura nos avións por mor da devandita web, amais de algunha que outra acción de desobediencia á hora de pecharse no baño ou poñer o cinto de seguridade), resultou ser ficticia e, ademais, un xeito de dicir que o que se espían non era as/os modelos, senón os prezos.