Ryanair lanza en España os seus xogos en liña

A compañía de voos baixo custo Ryanair vén de anunciar en España o lanzamento dos seus xogos en liña, sendo este país (segundo apunta a compañía) a lanzadeira en Europa para este paquete de contidos, case todos eles vinculados ó eido do casino virtual. Ou sexa: que os españois van ter o privilexio de seren os primeiros do continente en probar estes xogos, que non requiren descarga de software e que están accesibles na web da compañía.
Segundo esta, as persoas que ó longo desta semana se rexistren no servizo e proben logo algún dos xogos dispoñibles recibirán até 60 euros (ollo: cómpre esculcar nos termos e condicións impostos).