SEGA prepara un novo Crazy Taxi para móbiles

Non hai dúbidas en que Crazy Taxi é un dos xogos máis carismáticos de SEGA, e buscando volver poñelo de actualidade anuncian hoxe que están a preparar unha nova versión deste clásico, orientada a dispositivos móbiles, Crazy Taxi: City Rush, que buscará capturar o espírito do xogo orixinal, pero adaptando o seu control a pantallas táctiles e ofrecendo moita diversión ao longo cunha inmensa cidade totalmente nova na que teremos que conducir un taxi levando o antes posible aos pasaxeiros máis arriscados ao seu destino. Un dos detalles máis rechamantes deste novo xogo é que poderá descargarse de balde para iOS e Android, ou sexa, que súmase á moda do free-to-play, e sobre a súa data de lanzamento só sabemos que publicarase ao longo de 2014.
O encargado deste novo título será Kenji Kanno, creador do Crazy Taxi orixinal, que contará coa xente de Hardlight Studios (especializados no desenvolvemento de xogos para móbiles) para poder reimaxinar o xogo para adaptalo aos gustos e tendencias actuais.
Para celebrar este anuncio, SEGA ofrece de balde ata o día 19 de marzo a versión móbil do primeiro Crazy Taxi para iOS e para Android.