Sanidade alertará a través de SMS e e-mail das temperaturas durante o verán
venres, 27 de xuño do 2008
- Soria cos presentadores do prognóstico do tempo en varias canles de televisión
O Ministerio de
Sanidade coa chegada do verán estrea a campaña «Combatir el calor está en tus manos», que pretende achegar aos cidadáns
consellos sobre como combater as altas temperaturas nos vindeiros meses e,
aparte da campaña informativa en televisión, radio, prensa e soportes urbanos,
destaca por un Servizo
de Subscrición de Temperaturas e Niveis de Risco, que permite que os
interesados reciban de balde por correo electrónico e SMS durante o intervalo
de tempo indicado (ata o 30 de setembro como máximo) as temperaturas
máxima e mÃnima e o nivel de risco da provincia seleccionada polo
usuario.
Bernat Soria, ministro de Sanidade, presentou a nova iniciativa nunha rolda de
prensa na que estiveron
presente varios homes e mulleres do tempo
de canles de televisión (TVE, Cuatro e La Sexta). O Ministerio
informa sobre este tema porque a exposición excesiva ao sol pode ser moi
problemática para a saúde, que pode chegar a ser mortal, aÃnda que normalmente
se limite a producir queimaduras, mareos e outras molestias.
