Santiago e as Cidades Patrimonio estrean páxina web e aplicación móbil
luns, 25 de xaneiro do 2016
A
pasada semana (do 20 ao 24 de xaneiro) tiña lugar en Madrid a Feira
Internacional de Turismo (FITUR) na que
quixeron estar presentes o Grupo de Cidades Patrimonio da Humanidade
de España (GCPHE) para presentar a
súa nova páxina web e máis a
aplicación móbil Ciudades Patrimonio
Accesibles. Cómpre dicir que
ambas ferramentas foron creadas polo GCPHE coa colaboración da
Plataforma Representativa de Persoas con Discapacidade Física
(PREDIF) e o financiamento do Ministerio de Educación, Cultura e
Deporte, Dirección Xeral de Belas Artes. O
alcalde de Santiago
de Compostela, Martiño Noriega, asistiu no stand
de Turespaña á presentación destas ferramentas xunto cos demais
rexedores das Cidades Patrimonio.
A
nova web recolle
a información sobre o nivel de accesibilidade de rutas urbanas e
puntos de interese turístico das 15 cidades que forman parte do
Grupo Cidades Patrimonio da Humanidade de España: Santiago de
Compostela, Alcalá de Henares, Ávila, Baeza, Cáceres, Córdoba,
Cuenca, Eivissa, Mérida, Salamanca, San Cristóbal de la Laguna,
Segovia, Tarragona, Toledo e Úbeda.
A información das rutas e
puntos de interese turísticos é descritiva para que cada persoa
poida realizar unha elección en función das súas necesidades
específicas de accesibilidade. Parte da información está
dispoñíbel en
Lectura Sinxela,
un método de redacción que fai accesíbel os textos a persoas con
dificultades de comprensión lectora.
Segundo
nos conta o Concello de Santiago, a páxina
web é responsive
e a súa aparencia adáptase ao tipo de dispositivo dende o que se
está consultando. Amais, cumpre cos criterios de accesibilidade do
nivel AA establecidos pola WAI (Web
Accessiblity Initiative) do W3C (World
Wide Web Consortium).
A información
publicada no portal
está tamén dispoñíbel na aplicación móbil de turismo accesíbel
TUR4all,
promovida por PREDIF e a Fundación Vodafone España, e na app
Cidades Patrimonio Accesíbeis.
Todas estas ferramentas nútrense da mesma base de datos e achegan
información sobre aloxamentos, restaurantes, oficinas de turismo,
monumentos, museos e centros culturais, espazos lúdicos, espazos de
congresos, espazos naturais e rutas peonís.
A aplicación Cidades
Patrimonio Accesibles é de balde e
está dispoñíbel en Android e iOS. Os seus contidos facilitan a
planificación da visita ás cidades Grupo e a propia experiencia en
cada cidade. As
funcións da app
son as seguintes: Cidades,
achega a información das rutas e puntos de interese turísticos
accesíbeis das 15 Cidades Patrimonio; O
máis achegado,
recoñecendo a posición GPS do usuario permítelle identificar as
cidades e puntos de interese turístico máis próximos, e a ruta até
eles a través do navegador que empregue por defecto no móbil ou na
tableta; Buscador
permite localizar as rutas e puntos de interese turístico segundo a
cidade, tipo de establecemento ou por palabra clave, e acceder á
información que lle interesa; e
a Axenda
achega a información sobre os eventos que se celebrarán nas 15
Cidades Patrimonio.