Santiago lanza unha campaña de vídeo-consellos nas redes para promover o comercio local
martes, 28 de xuño do 2022
O
alcalde Xosé Sánchez Bugallo e o concelleiro de Políticas
Lingüísticas Rubén Prol presentaron este luns 27 de xuño unha
nova iniciativa que pretende “achegar ao público a sabedoría e o
bo facer do tecido comercial da cidade” a través de 20 pílulas de
información audiovisual protagonizadas por comerciantes de Santiago.
Trátase
do programa Vídeo-consellos: o comercio local sabe
de que fala, coa que os departamentos de Comercio e Lingua do
Concello de Santiago pretenden dar un pulo ao comercio local.
O
proxecto lánzase con vinte audiovisuais xa editados, para
os que se abre unha canle específica de Youtube. Amais, poderase
acceder a estes contidos dixitais desde as páxinas dos dous
departamentos implicados: Comercio
e Lingua,
así como desde a web galegoempresas,
directorio que se creou para divulgar e localizar negocios que
ofrecen servizo na nosa lingua.
A
estes primeiros vídeos poderanse sumar, a través dun formulario
sinxelo, todas/os as/os comerciantes locais que queiran compartir
consellos prácticos relacionados co seu ámbito. Os vídeos editados
deberán estar en galego e achegar contido informativo de utilidade
para o público. Tamén poderán enviar as súas ideas e propostas
para novos contidos entre os que o Concello poderá seleccionar novas
producións de vídeo-consellos.
Este
proxecto pretende ·reforzar a autoestima do propio comercio poñendo
o foco na súa calidade, non só do que vende senón de como o vende
e do que pode axudar aos clientes·. O obxectivo é “afianzar o
vínculo entre a veciñanza e o comercio local, a través dunha
lingua común, e empregando o espazo virtual, o máis frecuente para
acudir a resolver dúbidas do día a día”.