Segue a xira de Navega con Rumbo do CPEIG por máis de 200 centros de ensino da nosa terra
martes, 19 de abril do 2022
O
programa Navega con Rumbo
do CPEIG e da Consellería de Cultura e Educación segue esta
primavera a súa xira polos colexios e institutos nosa terra,
achegando as claves dunha Internet de utilidade entre a rapazada de
Primaria e Secundaria. En concreto, faino cunha completa axenda de
máis de 240 xornadas en 208 centros educativos galegos.
O
obxectivo do Colexio Profesional de Enxeñaría en Informática de
Galicia é novamente guiar á nenez e á mocidade “nunha navegación
segura en internet de maneira útil e responsábel”. Amais, o
programa inclúe recursos para axudar aos docentes e ás familias a
atopar o camiño da vertente máis didáctica, rendíbel e
enriquecedora das TIC (Tecnoloxías da Información e a
Comunicación).
A
deste curso é a décima edición deste programa, que leva vixente en
Galicia desde o curso 2010-11, e que está incluído entre as accións
da Estratexia de Educación Dixital 2030.
Por
provincias, participan 74 centros coruñeses, 32 lucenses, 15 da
provincia de Ourense e 87 da de Pontevedra.
Ao
abeiro de Navega con Rumbo, especialistas do CPEIG levarán a cabo
xornadas divulgativas dunha hora de duración nos centros de
ensinanza. Nestas xornadas abordaranse temas de interese como as
condutas de acoso e ciberacoso e outros riscos derivados do mal uso
das redes sociais.
