Sony dá máis detalles da intrusión na PSN
xoves, 28 de abril do 2011
O fallo de seguridade
que levou á PlayStation Network a quedar fóra de servizo dende o pasado dÃa 20
segue a dar que falar, pois a confirmación por parte de Sony de que padeceran
unha seria intrusión no seu sistema que puido comprometer os datos persoais dos
77 millóns de usuarios de PSN avivou os rumores sobre as repercusións do que
nun principio parecÃa unha caÃda do servizo e que agora parece un asunto moito
máis preocupante.
As repercusións que pode ter a filtración masiva de información dos usuarios
poden ser moi graves, xa que estes datos poden empregarse para suplantar
identidades, con consecuencias económicas considerables, de aà que dende Sony
estean a dar máis
detalles sobre o asunto. Polo momento detallan que continúan a investigar o
acontecido para perseguir aos responsables do ataque, aseguran que a
información dos datos persoais estaban protexidos pero non encriptados, aÃnda
que no caso dos datos de tarxetas de crédito a encriptación si estaba presente
e polo momento non determinaron se esta última información fose subtraÃda, aconsellan
moito coidado co phishing nos
vindeiros dÃas e lembran aos usuarios que queiran saber cal das súas tarxetas de
crédito estaba asociada á PSN (para cancelala como media de precaución) poden
consultar os 4 primeiros e últimos números das mesmas nunha mensaxe de correo
electrónico que recibiron no seu momento do enderezo DoNotReplay@ac.playstation.net.
De cara ao futuro aseguran que están a mellorar a seguridade dos seus sistemas
e agardan que a PlayStation Network volva a estar operativa a primeiros da
semana que vén, algo que agardarán con impaciencia non só os usuarios que
gusten do xogo en liña, senón tamén os que empreguen servizos como NetFlix ou
Hulu Plus, que chegaban a moitos fogares a través da PS3, polo que este
incidente tamén está a ter claras repercusións para terceiras empresas que
teñen parte dos seus negocios dependentes da infraestrutura de rede de Sony
para chegar ao seu público.
Problemas para os usuarios de Xbox LIVE
Dende Microsoft tamén están a advertir aos usuarios do xogo Modern Warfare 2 dun ataque
de phishing que está a ter lugar
estes dÃas, e en contraste co incidente de Sony, neste caso informouse aos
usuarios case ao momento, mentres que a empresa nipona demorou as advertencias unha
semana (práctica que, ao involucrar datos dos usuarios, considérase moi
irresponsable).