Speedtest.net estrea aplicación para Windows Phone 8

Aínda que os smartphones de nova xeración prometen acadar velocidades de vertixe no seu acceso á Rede, esta depende de moitos factores que van dende o tipo de acceso que empreguemos (Wi-Fi ou móbil) e da potencial do terminal (un móbil lento ou con pouca memoria non pode tirar un proveito real dunha boa conexión) polo que ferramentas como a que achegan dende Speedtest.net poden resultar de grande utilidade, tanto para coñecer a velocidade de acceso á Internet que temos realmente, o que pode axudarnos a elixir modalidade de acceso á Rede ou, simplemente, para saber se hai a conexión ten un desempeño moi inferior ao prometido polo noso operador.
Até o momento o servizo está dispoñible vía web (para ordenadores) e para iPhone e móbiles con Android, pero onte mesmo estreou versión para Windows Phone 8, ampliando así a súa dispoñibilidade, o que agradecerán os usuarios de novos móbiles con este sistema operativo emerxente, que así poden comprobar a latencia e as velocidades de subida e baixada da súa conexión. A aplicación tamén garda as distintas medicións e facilita enviar os resultados por correo electrónico.