Spin2016 amosará ao mundo a nosa nova e puxante remesa de proxectos TIC
mércores, 20 de xullo do 2016
Spin2016, a
gran xuntanza da tempada sobre emprendemento universitario (con
alcance internacional), vén de coller pulo para acadar a máxima
repercusión e o meirande número de proxectos innovadores
convertidos en realidades de mercado. AsÃ
o fixeron saber a Universidade de Santiago, a Xunta e máis
RedEmprendia, que asinaron un acordo de colaboración para o impulso
e fortalecemento da dita cita. No acto celebrado en Santiago
participaron os conselleiros de Cultura e EconomÃa, Román RodrÃguez
e Francisco Conde; o reitor da USC, Juan Viaño; a directora xerente
da Fundación Cidade da Cultura de Galicia, Beatriz González; o
director xeral do IGAPE, Javier Aguilera; e o director xeral de
RedEmprendia, Senén Barro; asà como os emprendedores galegos
seleccionados no programa Model2Market de Spin2016. Entre os
proxectos destes emprendedores fomos quen de albiscar, grazas a
iniciativas como CloudDADIS ou Cogomelo Games, o futuro inmediato do
noso tecido tecnolóxico-dixital.
Segundo lembraron os participantes no acto, Spin2016
é un evento organizado pola rede universitaria RedEmprendia coa
colaboración da USC, a Xunta de Galicia, a Fundación Cidade da
Cultura de Galicia e Banco Santander a través de Santander
Universidades. A dÃa de hoxe, xa presentaron as súas candidaturas
máis dun milleiro de emprendedores de 20 paÃses para participar nos
seus programas de apoio.
Respecto a Model2Market, deseñado ao abeiro de
Spin2016 para axudar a quen está a piques de crear unha empresa, no
acto recordouse que xa se presentaron 464 candidaturas de 12 paÃses.
Román RodrÃguez amosou a súa satisfacción polo feito de que sete
proxectos emprendedores saÃdos das universidades galegas (cinco da
USC e os outros dous da UDC e UVigo) figuren entre os 100
semifinalistas de Model2Market. Tamén expresou a súa confianza en
que eses sete logren clasificarse para a fase final e estean entre os
30 que competirán en Santiago polos 100.000 euros en premios que se
distribuirán durante Spin2016. Os semifinalistas recibiron
asesoramento do IC 2 Institute da Universidade de Texas
para perfeccionar os seus proxectos de cara á selección final.
A continuación damos conta destes sete proxectos
galegos semifinalistas en Model2Market: CloudDADIS (procedente da
USC, trátase dun proxecto que propón solucións tecnolóxicas que
integren datos de observación ambiental de fontes heteroxéneas para
reforzar a toma de decisións ou a resolución de emerxencias),
Cogomelo Games (con orixe na UDC, é un estudo de desenvolvemento de
videoxogos para plataformas móbiles que integra aos usuarios no
proceso de creación dos seus xogos, foi premiado polo programa Yuzz
no ano 2015), GenDR (procedente da USC, é un proxecto que busca a
creación dunha empresa de servizos de farmacoxenética que axuden a
predicir a resposta das persoas a determinados medicamentos,
permitindo identificar e minimizar os efectos secundarios de moitos
deles), Greenaquaculture (chegando da USC, é unha iniciativa que
busca ofrecer un servizo de depuración-reutilización de augas
residuais procedentes da acuicultura a través de sistemas de cultivo
integrado de animais acuáticos e plantas, nos que as bacterias
nitrificantes transforman o amonio excretado polos animais facéndoo
asimilábel para as plantas que filtran a auga), LACTEAL (proxecto
con orixe na USC para a produción e comercialización de suplementos
minerais de orixe natural a base de macroalgas das costas galegas),
MeetLab (con raizames na USC, esta iniciativa propón unha tenda en
liña de servizos de biotecnoloxÃa na que os cientÃficos e
investigadores usuarios poidan atopar un catálogo de provedores
organizados por eidos cientÃficos, prezo, localización xeográfica,
opinións de usuarios anteriores e máis información que simplifique
as decisións de contratación destes servizos) e Red Hot Line (dende
a UVigo, é un proxecto que busca ofrecer servizos de apoio xurÃdico
integral para organizacións e empresas, identificando os riscos
penais/xurÃdicos aos que se enfrontan polo tipo de actividade que
desenvolven e ofrecendo unha planificación e atención personalizada
para mitigalos).
No que respecta a outras das liñas de traballo de
Spin206, o programa de aceleración e foro de investimento
SmartMoney4Stars, na sinatura do acordo fÃxose saber que recibiu 114
solicitudes de novas firmas universitarias (cinco delas das
universidades galegas) co obxectivo de atopar o capital preciso para
medrar.
O conselleiro de EconomÃa salientou que
SmartMoney4Stars traerá por primeira vez a Galicia os principais
fondos de investimento, capital risco, business angel e
aceleradoras de negocios de Iberoamérica. Entre eles, NXTP Labs, a
aceleradora máis importante de Arxentina; Xcala, a rede de business
angel máis grande de América Latina e o Caribe; o Performa
Investimentos, fondo brasileiro que xestiona máis de 480 millóns de
dólares de capital.
En setembro coñecerase a axenda completa do
evento Spin2016, con máis de 2.000 asistentes e 50 relatores do
mundo da ciencia, a cultura, os negocios ou a universidade.
A
asistencia a Spin2016 é de balde e a inscrición pode realizarse a
través de registro.spin2016.org.
Nesta edición, Spin2016 conta co patrocinio principal da Xunta de
Galicia e Santander Universidades, ao que se suman o doutras
entidades e empresas como a Fundación EY, Indra, Google, Gas Natural
Fenosa, Hijos de Rivera, Clarke, Modet & Co., Iberia e a
Deputación de A Coruña, contando ademais coa colaboración de máis
de medio cento de organizacións públicas e privadas e
universidades.