Steam para Linux comeza a executar xogos de Windows
mércores, 22 de agosto do 2018
- O novo DOOM pode correr agora en Linux grazas a Proton
Dende Valve levan tempo promovendo Linux como plataforma de
xogos e, de feito, até lanzaron a súa
propia distribución, SteamOS, asà como tamén contan con máis de 3.000 xogos
con soporte para Linux, pero iso non era dabondo, polo que esforzáronse para ampliar
a compatibilidade dos xogos de PC en Linux a través de Wine e outros proxectos
de compatibilidade, que foron integrando no cliente de Steam. Tras dous anos de
traballo decidiron facer público este proxecto, e agora temos acceso á beta
da nova versión de Steam Play, dispoñible para todos os usuarios de Linux,
que conta cunha versión modificada de Wine (chamada Proton) que achega compatibilidade
con bastantes xogos para Windows.
- NieR: Automata é un dos xogos que agora pode gozarse baixo Linux
Deste xeito, agora é posible instalar en Linux xogos só dispoñibles para
Windows, que poden executarse directamente a través do cliente de Steam, e que
conseguen un rendemento bastante bo grazas a implementacións de DirectX 11/12
baseadas en Vulkan. Tamén mellorouse o soporte de mandos de xogos e o rendemento
dos xogos con multiproceso (en comparación co uso da versión normal de Wine).
Dado que estamos cunha beta, a tenda de Steam non amosará os xogos que estrean
compatibilidade con Linux como tal, pero a listaxe inicial de tÃtulos
comprobados (que irá medrando paulatinamente) resulta moi interesante: Beat Saber,
Bejeweled 2
Deluxe, Doki
Doki Literature Club!, DOOM, DOOM II: Hell on Earth, DOOM VFR, Fallout
Shelter, FATE,
FINAL
FANTASY VI, Geometry Dash, Google Earth
VR, Into
The Breach, Magic: The Gathering - Duels of the Planeswalkers 2012, Magic: The
Gathering - Duels of the Planeswalkers 2013, Mount &
Blade, Mount
& Blade: With Fire & Sword, NieR: Automata,
PAYDAY: The
Heist, QUAKE,
S.T.A.L.K.E.R.:
Shadow of Chernobyl, Star Wars: Battlefront 2, Tekken 7, The Last
Remnant, Tropico
4, Ultimate
Doom, Warhammer
40,000: Dawn of War - Dark Crusade e Warhammer
40,000: Dawn of War - Soulstorm.