Steve Ballmer abandonará a dirección de Microsoft antes dun ano
venres, 23 de agosto do 2013
En xuño de 2006 Microsoft anunciou que iniciaba
un plan de transición para que Bill Gates puidera deixar as súas
responsabilidades na compañía para centrase na Fundación Bill & Melinda
Gates, e hoxe é o seu compañeiro e fundador, Steve Ballmer, o que anuncia
que retirarase en 12 meses, mantendo o seu cargo de director xeral ata que
se complete o proceso de elección do seu sucesor, de xeito que os cambios
organizativos que nos últimos meses viviu Microsoft, que comezaran a ter certa
visibilidade coa marcha
de Steven Sinofsky e a fichaxe de Don
Mattrick por parte de Zynga, e que incluso fixeron a
figura de Julie Larson-Green ascendese dentro da compañía de Redmond ata dar a
entender que podería ser a sucesora de Ballmer.
Ballmer asegura que “non existe o momento perfecto para este tipo de
transición, pero agora é un momento axeitado”, lembrando que están a vivir uns
momentos de cambio tanto nas súas cabezas visibles como na orientación da
empresa, que agora centrarase máis en produtos e servizos dirixidos ás persoas,
atendendo ás novas demandas do mercado. Engade que “precisamos dun director
xeral que estea a longo prazo para esta nova dirección”.
Para guiar este proceso de transformación a Xunta Directiva de Microsoft nomeou
unha comisión especial dirixida por John Thompson, e na que inclúe a figuras
como Bill Gates, Chuck Noski e Steve Luczo, e terán en conta tanto a candidatos
de dentro da compañía como de fóra.