Telefónica presenta en Galicia un informe sobre as TIC na sanidade do futuro
xoves, 25 de setembro do 2008
A compañía de telecomunicacións nacional, Telefónica, en colaboración coa Consellaría de Sanidade de
Galicia, vén de anunciar a celebración da xornada, As tecnoloxías da información e as comunicacións na sanidade do futuro,
que terá lugar mañá venres, 26 de setembro, ás 11:00 horas.
O acto, que estará presidido pola conselleira
de Sanidade, María Xosé Rubio, reunirá, no Hotel Porta do Camiño de Santiago de
Compostela, a máis dun cento de profesionais das administracións, hospitais e
centros de saúde galegos, que completarán coa súa presenza a relación de
profesionais convidados.
Nesta ocasión, a conselleira estará acompañada
do director territorial de Telefónica en Galicia, José Ángel Veiga, e por
responsables da administración sanitaria galega, que falarán sobre o
desenvolvemento das TIC na sanidade, en xeral, e das conclusións do Informe da
Fundación Telefónica sobre o uso destas tecnoloxías en particular.
Outros relatores convidados son, Antonio
Martos, conselleiro delegado Mensor, Pilar Fernández Romero, secretaria xeral
da Consellaría de Sanidade da Xunta, Cayetano Rodríguez Escudero, secretario
xeral do Servizo Galego de Saúde e Mar Pereira Álvarez, subdirectora xeral de
Información e Servizos Tenolóxicos da Consellaría de Sanidade, entre outros.
