Telemo anuncia un servizo de acceso á Rede por Wi-Fi de baixo custo
xoves, 5 de novembro do 2009
- Pablo Fernández, director executivo de Telemo, probando un dos seus teléfonos de moedas
A empresa galega Telemo
presenta INTERNET MINI, un novo acceso á Internet de baixo custo pensado no
mercado doméstico e que non precisa de liña telefónica, senón que achégase ao
consumidor a través dunha rede pública de Wi-Fi.
Este novo servizo permitirá a alta en liña (por un prezo que non chegará aos 10
euros) e chegará ás zonas de influencia de centros comerciais, zonas urbanas e
lugares densamente poboados, garantindo un funcionamento óptimo.
Esta operadora coruñesa partirá dos seus actuais puntos de acceso, dende os que
levará o acceso a domicilios por un prezo que vai dende os 9,95 euros/mes,
comezando o servizo a funcionar no compostelán polígono de Fontiñas.
Actualmente Telemo conta con puntos de acceso Wi-Fi ou teléfonos de moedas nos
centros comerciais de Cuatro Caminos, Elviña, Los Rosales, Dolce Vita (A
Coruña), Camelias (Vigo), Pontevella (Ourense), Área Central (Santiago de
Compostela), Dolce Vita (Narón) e Pontiñas (Lalín).