Telltale oferta varias das súas aventuras gráficas para apoiar a causas benéficas
mércores, 13 de abril do 2016
Durante un par de semanas o proxecto solidario Humble
Bundle está a ofrecer un atractivo lote de xogos para PC de Telltale Games,
ou sexa, aventuras gráficas moi recoñecidas de franquÃas moi recoñecibles como Los Muertos Vivientes, Fábulas, Game of Thrones ou Regreso ao
Futuro, que son unha aposta segura para os que queiran gozar destas
historias interactivas no seu ordenador e á vez apoiar a entidades sen ánimo de
lucro como Direct Relief e Girls Who Code.
- The Walking Dead é unha das franquÃas que máis sona deu a Telltale Games
As persoas que acheguen a partires de 1 dólar poderán facerse con códigos de
Steam para os xogos Back To The Future (Regreso ao Futuro), Sam & Max: Devil’s Playhouse, Poker Night at the Inventory, Puzzle Agent 1 & 2
e The Walking Dead -
Season 1 (primeira tempada de Los
Muertos Vivientes); os que paguen máis da media (pouco máis de 8 dólares)
poden facerse con The Walking Dead: 400
days (entadido para o xogo anterior), The Wolf Among Us (aventura
inspirada na banda deseñada Fábulas),
Poker Night 2, Tales from the
Borderlands e algún xogo máis que se incorporará ao bundle durante a semana que vén; e,
finalmente, os que paguen a partires de 12 dólares poderán facerse con xogo
máis recentes, como son The Walking Dead - Season 2
(segunda tempada de Los Muertos Vivientes)
e Game of Thrones
(historia paralela á que presenta a célebre serie televisiva co mesmo nome, e
na que aparecen moitos dos seus protagonistas).
Todos estes xogos están dispoñibles a través de Steam, sendo compatibles con
equipos con Windows, OS X e Linux.
- O xogo de Game of Thrones transcorre paralelamente á serie televisiva, pero contando a historia que non afecta aos acontecementos principais