Tres novas empresas na Tecnópole de Ourense
mércores, 8 de xuño do 2011
A Tecnópole, Parque
Tecnolóxico de Galicia, vén
de incrementar o número de empresas ás que dá acubillo coa incorporación
recente de tres novas firmas á súa incubadora principal, o Centro de Empresas
de Innovación (CEI). Falamos da chegada de Backtoreality (empresa especializada
no desenvolvemento e distribución de uniformes de protección persoal para o
eido da seguridade) e de dúas iniciativas de mercado directamente ligadas ás
novas tecnoloxÃas da información: Advanced Innovation Consulting e Fomento e Xestión
Local.
A primeira destas
empresas está especializada en servizos de apoio e xestión da innovación, sendo
o ámbito natural da segunda o desenvolvemento de todo tipo de aplicacións
informáticas para a xestión administrativa dos concellos.
A maiores, Fomento e
Xestión Local centrará o seu traballo na consultorÃa en proxectos relacionados
coa cultura, o medio ambiente e o turismo.
O Consello de Administración da entidade
autorizou a instalación destas tres novas iniciativas de negocio no devandito
Centro de Empresas e Innovación.