Un cativo gasta máis de 1.000 libras en Xbox LIVE e a súa nai culpa a Microsoft
martes, 8 de febreiro do 2011
- Dawn Matthews co seu fillo Brendan Jordan
O Daily Mail
publicou unha nova bastante rechamante pola reacción dunha nai solteira de
Strood (Kent, Inglaterra) quen bota
as culpas a Microsoft pola factura de 1.082,52 libras esterlinas (1.275,95
euros) correspondente á adquisicións de descargas dixitais para a Xbox 360 por
parte do seu fillo de 11 anos.
18 meses atrás Dawn Matthew introduciu o seu número de tarxeta de crédito na
consola do seu fillo Brendan Jordan para permitirlle subscribirse ao servizo de
xogo en liña, pero sen decatarse que tal información quedaba gravada para a
compra de produtos en liña (coma xogos descargables e contidos adicionais). Tras
ver a débeda contraÃda polas compras sen control por parte do seu fillo, a
muller británica non se lle ocorre outra cousa que considerar «ridÃculo» que un cativo poida facer pagamentos
na consola sen ningún tipo de comprobación, o que non deixa de ser un claro
descoñecemento do funcionamento de Xbox LIVE (Microsoft permite activar mecanismos
de control paterno e as compras non son tan automáticas
coma quere dar a entender) .
Resulta lamentable que Dawn Matthew realice afirmacións coma «cando está xogando non pode pensar nos
cartos» ou «é imposible monitorizar
todo o que os nosos fillos fan» para xustificar a situación da que
Microsoft deféndese ao asegurar que apenas ten incidencias en máis de 30
millóns de usuarios de Xbox LIVE e dende o comezo do servizo conta con medidas de
control paterno, asà coma distintos filtros de idade e contido. Incluso detallan
que cando un neno quere conectase a Xbox LIVE ten as funcionalidades en liña
bloqueadas, sendo preciso que un dos seus pais as activen, polo que a
responsabilidade do acontecido dificilmente pode corresponderlle a Microsoft.
