Un par de alumnos da UDC premiados nun concurso nacional de robots

Os alumnos Pablo López e Antonio Regueira, estudantes do terceiro curso do Grao en Enxeñaría Electrónica Industrial e Automática, na Escola Universitaria Politécnica, Campus de Ferrol, veñen de acadar dous premios nacionais no I Desafío ASTI Robotics que tivo lugar a pasada fin de semana en Burgos.
Os estudantes acadaron o Premio ao Mellor Robot como Produto e o Premio ao Mellor Equipo Universitario. O evento, que organiza a empresa ASTI, tivo lugar no Museo da Evolución Humana cunha asistencia de máis de 700 persoas e no que participaron 150 estudantes de 24 equipos, nos distintos niveis de competición, procedentes de toda España.
O premio consiste en bolsas e prácticas remuneradas en ASTI para os mellores participantes na categoría de mellor equipo Universidade e Formación Profesional. Os equipos con mellor rendemento e xestión do proxecto recibiron trofeos, medallas e certificación acreditativa.