Un pintor dixital encérrase nun hotel para plasmar as súas vistas diarias
xoves, 26 de marzo do 2009
O pasado venres 20 de marzo, o artista arxentino Dan Arenzon
pediu aloxamento no Hotel Meliá Sarriá de Barcelona disposto a cumprir un firme
obxectivo (un dos máis curiosos xamais contados na nosa web): aguantar seis
meses sen sair do edificio pintando
unha paisaxe diaria vista dende o mesmo.
Arenzon, que escolleu unha das habitacións máis altas do hotel
barcelonés de 21 plantas, pintará cada día unha paisaxe distinta da capital
catalana ata o vindeiro 22 de setembro, data da entrada do equinoccio de
outono.
O seu lienzo é a pantalla do seu Macintosh e o pincel, son
distintos softwares de deseño, que o artista empregará para “representar o novo panorama comunicacional e
reinterpretar a paisaxe a través das ferramentas dixitais”.
En total, este friki
argentino realizará 144 pinturas dixitais, organizadas en 12 series de 12
pezas, nas que reflexará as paisaxes que ve dende distintas habitacións do
hotel no que se aloxa.
Tódalas pezas terán un formato de 120 por 120 centímetros,
que se imprimirán nunha soa vez e se venderán a 3.655,48 euros, un prezo que
sacou, segundo afirma, “dos 365 días, 5
horas e 48 minutos que marcan a volta completa da Terra ao redor do Sol”.
Esta creación artística, que mesmo antes de estar feita xa
ten asegurados algúns compradores, poderá seguirse a través de Equinox TV, así
como a través dunha web creada especialmente para o proxecto.
Imaxe tomada do xornal dixital El País.