Unha xornada no CNTG busca achegar as TIC ao maiores

Coro Piñeiro na xuntanza preparatoria da xornada TICSENIOR 2014

O Centro de Novas Tecnoloxías de Galicia (CNTG) en Santiago acolle mañá a xornada TICSENIOR 2014 para achegar as novas tecnoloxías ás persoas maiores. O obxectivo da iniciativa é acadar unha maior integración das persoas maiores no seu entorno próximo e incluso global, así como a promoción do voluntariado do maiores como un dos elementos principais do envellecemento activo. Para a organización deste evento asinouse un convenio entre FEUGA e a Consellería de Traballo e Benestar.
Nesta xornada, entre outros profesionais, participará a presidenta e fundadora do Grupo Catalina Hoffmann, Catalina Hoffmann, quen é un referente profesional no sector da Terceira Idade. A secretaria xeral de Política Social, Coro Piñeiro, mantivo hoxe con ela un encontro previo á xornada no que puideron intercambiar experiencias e actuacións no eido da prevención da dependencia e promoción do envellecemento activo.
O evento desenvolverase seguindo o programa que detallamos a continuación:

9:00 RECEPCIÓN E REXISTRO

9:30 APERTURA
Preside: BEATRIZ MATO
Conselleira de Traballo e Benestar Social

9:45 CONFERENCIA: VOLUNTARIADO E CONTRIBUCIÓN DOS MAIORES A UNHA MELLOR CALIDADE DE VIDA E BENESTAR SOCIAL
JAVIER ESPINOSA
Presidente do Banco de Alimentos de Madrid

10:15 CONFERENCIA: O MÉTODO HOFFMANN UN NOVO CONCEPTO DE ENVELLECEMENTO
CATALINA HOFFMANN
Presidenta e fundadora do Grupo Catalina Hoffmann.
Presidenta de Secot

10:45 CONFERENCIA: INICIATIVAS DA UE NO MARCO DE H2020 E RIS3 PARA O ENVELLECEMENTO ACTIVO E CALIDADE DE VIDA DOS MAIORES. OPORTUNIDADES PARA GALICIA
Anxo Moreira e Miguel Merino
UNIVERSIDADE DE VIGO

11:30 PAUSA CAFÉ

12:00 MESA DEBATE 1: TECNOLOXÍAS QUE FACILITAN A INDEPENDENCIA DO MAIOR
Moderador: Helena Fernández, Gradiant
Participantes:
- Miguel Gómez, UVIGO
- Jesús Varela: USC
- Jose Carlos Millan: UDC
Foro asistencial e saúde activa:Grupo de traballo 1

12:00 MESA DEBATE 2: INTEGRACIÓN DO MAIOR E COLABORACIÓN INTERXERACIONAL
Moderador: Ramón Santorio, Secot
- Vicenç Gasulla: Vicepresidente SeniorTic
- Trindade Viña: Relator UNED Sénior
- Alejandro Otero: Presidente Aulas de Formación Aberta
- Manuel Abelleira: Voluntario dixital
Foro de voluntariado e coñecemento: Grupo de traballo 2

13:30 CONFERENCIA: AS TIC COMO INSTRUMENTO DE INTERVENCIÓN EN PERSOAS MAIORES PARA O ENVELLECEMENTO ACTIVO
Alejandro Pazos
Catedrático de Ciencias da Computación e Intelixencia Artificial. CITIC. Universidade da Coruña

14:00 PECHE DA XORNADA