Vigo acollerá a quinta edicón de Startup Weekend
mércores, 30 de setembro do 2015
Entre os dÃas 13 e 15 de novembro desenvolverase no Pazo de
San Roque de Vigo un dos eventos para emprendedores máis estendido por todo o
mundo e máis consolidado no noso territorio, o Startup
Weekend Galicia, que chega á súa 5ª edición e que servirá para desenvolver
ideas de negocio durante unha fin de semana, experiencia na que pode buscarse
tanto o inicio dun proxecto empresarial como, simplemente, participar, aprender
e facer networking.
Ese encontro está dirixido a desenvolvedores de software, programadores,
deseñadores gráficos e web, xente de negocios, comerciais, profesionais do marketing e a comunicación,
emprendedores e, de xeito xeral, a calquera interesado en pór en marcha unha startup, estando xa aberta a compra
de entradas (a 35 euros até o 28 de outubro, custando 50 euros a partires
de tal data) para poder acudir a esta fin de semana de emprendemento, na que
están cubertos os gastos de almorzo, xantar, cea, petiscos e bebidas ,
entregándose tamén unha camiseta aos participantes.
O Startup Weekend comeza na xornada do venres, onde os asistentes poden intervir
nunha quenda de micro aberto na que
presentan as súas mellores ideas de negocio durante un minuto, de xeito que
outros participantes poden unirse ao seu equipo. Despois de escoitar todas as
ideas os participantes poden elixir as ideas máis populares, que serán as que
se desenvolverán en equipo durante a fin de semana.
O sábado e o domingo os equipos deseñan e dan forma á súa startup coa axuda de mentores e facilitadores
até desenvolver finalmente o seu plan de negocio, para presentar os seus
prototipos ante un panel de xuÃces o domingo pola tarde nun pitch de poucos minutos. Elixirase un
gañador do evento e o mellor proxecto de innovación social.
- FotografÃa de grupo dunha pasada edición do Startup Weekend Galicia