Vodafone España investirá máis de 105 millóns en ampliar e mellorar a súa canle de distribución
xoves, 26 de setembro do 2013
Vodafone
España vén
de amosar o plan de seu para reconverter a súa canle de
distribución, dirixido a acadar os 453 puntos de venda antes de
marzo de 2017, un proceso que implicará a posta en xogo dun
investimento de máis de 105 millóns de euros. Segundo informa a
operadora, o obxectivo deste plan, alén das ditas cifras, é ofrecer
unha experiencia ao cliente que sexa quen de marcar as diferencias
con respecto á competencia, que sexa única no sector das
telecomunicacións, e todo a través dunha transformación do espazo
e dos procesos de venda, atención e asesoramento ao usuario dos
servizos da compañía. En base a isto e como antesala do que vai
vir, Vodafone xa abriu tres centros premium de atención en
Madrid, Barcelona e Sevilla que ofrecerán un servizo personalizada
“cara a cara”.
Por
certo que o proceso afecta tanto a tendas propias como a franquías.
O programa inclúe o reemprazamento e concentración dalgúns espazos
en puntos da cidade máis axeitados e con máis metros cadrados por
tenda. Na actualidade, xa se redeseñaron 38 puntos de venda e
prevese chegar a 93 antes de marzo de 2014. O plan tamén inclúe a
creación de novos espazos máis amplos sen barreiras nin
mostradores, con máis iluminación e mobiliario natural que permiten
un trato máis próximo. O deseño, informa, facilitará “unha
experiencia dinámica na que o cliente poderá interactuar de forma
real con máis de 30 dispositivos e dispor de Wi-Fi para probalos con
conexión; e ademais introdúcese un novo sistema de xestión de
fluxos de usuarios que reduce o tempo que están na tenda”.