Vodafone agasalla unha subscrición de un ano a Amazon Prime
luns, 3 de decembro do 2018
Para
os seareiros das novas posibilidades da telefonía e, tamén, dos
horizontes que abre o novo comercio ligado aos novos dispositivos
tecnolóxicos, Vodafone
vén de presentar unha relevante promoción para a recta final de
2018: o agasallo aos seus clientes dunha subscrición de un ano ao
Amazon Prime (valorada en 36 euros). O presente, un regalo
“exclusivo” en palabras da operadora, está a disposición dos
clientes de Vodafone One e de plans Rede que creen unha nova conta de
Amazon Prime.
A
iniciativa estará en activo dende o 4 de decembro até o 7 de
xaneiro. Como engadido extra, os usuarios poderán gozar do servizo
Prime Video incluído no Amazon Prime. O obxectivo da operadora con
esta novidade, “proporcionar acceso á meirande oferta de contidos
de cinema e series”.
Para
quen non o saiba, Amazon Prime é un programa de subscrición que
fornece aos seus clientes de compras, lecer, envíos rápidos, envíos
de balde e envíos sen límite en millóns de produtos. Ademais,
acubilla no seu seo unha plataforma audiovisual, Prime Video, que
estará a disposición dos clientes de Vodafone que se beneficien do
dito presente, e que permite ver en streaming (ou descargar)
unha manchea de películas e series de Prime Orixinal. Amazon Prime
tamén incorpora o Prime Reading, un servizo que ofrece acceso por
centos a libros electrónicos, historias curtas, cómics, guías de
viaxe, contos de nenos e máis. A maiores, pon en xogo ofertas
exclusivas e beneficios de compras (como Amazon Family, con descontos
especiais en artigos para bebés e acceso prioritario a ofertas
Flash) e almacenamento de fotos de balde e ilimitado con Amazon
Photos.
Para
máis información cómpre visitar a web específica habilitada por
Vodafone: turegalovodafone.es