Vodafone introduce oficialmente o Nexus One en España
xoves, 20 de maio do 2010
Despois dunha longa espera e
moitos retrasos, o móbil de Google, o
Nexus One, chega ao catálogo de Vodafone en España, incluso despois
doutros terminais posteriores coma o HTC Legend e o HTC Desire, pero destacando
sobre estes por contar de serie con Google Maps Navigation, o navegador GPS de
balde de Google.
O Nexus One é un móbil con procesador Qualcomm Snapdragon a 1 GHz, 512 Mb de
RAM, pantalla capacitiva de 3,7 polgadas cunha resolución de 480 x 800 pÃxeles ,
Wi-Fi, Bluetooth, GPS, cámara de 5 MpÃxeles con enfoque automático e flash LED,
lector de tarxetas microSD (o modelo básico inclúe unha de 4 Gb, pero Vodafone
incluirá para moitos dos seus usuarios unha de 16 Gb) e sistema operativo
Android 2.1.
Polo momento o terminal pode
adquirirse por dende 0 euros para particulares, 29 euros para
autónomos e 49 euros para clientes empresariais, e Vodafone vén de estrear un micrositio dende o que acceder a toda a información sobre o novo
móbil, aÃnda que haberá que agardar uns dÃas para que o móbil estea
dispoñible a través do plan de puntos da operadora británica.
Os clientes particulares que queiran facerse co Nexus One de balde deberán
contratar un plan de voz de 59,9 euros e outro de datos de 15 euros, con
compromisos de permanencia de 18 e 6 meses respectivamente, mentres que os
usuarios que non precisen dun plan de voz de elevado consumo poden partir
incluso dun contrato básico de 9 euros/mes (aos que sempre haberÃa que sumar 15
euros/mes de datos) pero pagando 199 euros polo móbil.
Pese as excelentes prestacións do Nexus One, xa están a chegar ao mercado
outros terminais máis atractivos para moitos usuarios coma o HTC Desire ou o
Samsung Galaxy S, pero o móbil promovido por Google terá coma principal vantaxe
que as súas actualizacións de software chegarán da man de Google, de xeito que
non haberá que agardar a que os fabricantes fagan o propio, o que non parecen ser
unha das súas prioridades a tenor das demoras que están a padecer terminais
coma o HTC Hero para adoptar Android 2.1.