Vodafone ofrecerá 10 GB de datos no móbil ante fallos na súa banda larga fixa
luns, 30 de xaneiro do 2017
Cando
temos problema coa banda larga fixa, en moitas ocasións podemos recorrer temporalmente
á conexión a través do móbil para saÃr do apuro, e dende Vodafone entende que
tal opción pode ser de grande utilidade como solución provisoria a incidencias,
e asà anuncia o seu Plan B, unha solución que consiste
en que os usuarios que teñan fallos de conexión na súa rede fixa (por ADSL ou
fibra óptica) recibirán como solución inmediata un bono de datos de 10 GB no
móbil (en cada liña móbil de contrato da factura) para cubrir a interrupción do
servizo, que poderá gozarse durante 1 semana (aÃnda que a incidencia dure menos
tempo) e ampliable se a incidencia persiste.
Este tipo de medida non é unha novidade absoluta por parte do operador
británico, pois xa no pasado distribuÃa routers ADSL que integraban unha liña
móbil para poder gozar de acceso á Rede durante incidencias na rede fixa ou
para cubrir o tempo de demora de activación do servizo, pero desta volta evitan
a vinculación da solución baseada na banda larga móbil nun elemento de
hardware, dando unha maior liberdade ao usuario.
Lembremos que a meirande dos smartphones actuais contan coa posibilidade de
crear redes Wi-Fi dende as que compartir o seu acceso móbil á Rede (en tamén é
posible aproveitar esta conexión a través de Bluetooth ou cable USB en moitas
ocasións) o que pode resultar máis práctico que dotar ao router doméstico de
conectividade 3G/4G (especialmente se está nunha habitación interior con mala cobertura
móbil).