Windows 8.1 manterá a estrutura de prezos de Windows 8
mércores, 18 de setembro do 2013
Dentro dun mes chegará como actualización automática de
Windows 8 a versión 8.1 do sistema operativo de Microsoft, e a compañÃa de
Redmond está a detallar a situación
na que quedará comercialmente este produto que os usuarios actuais poderán
descargar de balde, dando a coñecer os prezos para EE.UU. do produto no caso de
adquirirse de xeito independente.
Deste xeito, os usuarios que non teñan Windows 8 poderán mercar Windows 8.1 como
descarga en Windows.com ou en soporte fÃsico (DVD) en tendas tradicionais a un
prezo 119,99 dólares para a súa versión ordinaria e de 199,99 dólares para a
edición profesional, de xeito que teriamos unha estrutura de prezos e prestacións
equivalentes ás que actualmente ten Windows 8. Os usuarios que teñan un
ordenador con Windows 8.1 e queiran pasar á edición profesional poderán
adquirir unha actualización por 99,99 dólares que inclúe o software de Media
Center (tamén dispoñible de xeito independente por 9,99 dólares).
Para facilitar os procesos de instalación desta actualización, Windows 8.1
distribuirase como unha copia completa do sistema operativo, de xeito que non
será preciso ter a man a versión anterior para poder instalar a actual,
axilizando as instalacións dende cero ou simplemente a instalación nunha
partición independente do disco duro ou nunha máquina virtual.
A actualización a Windows 8.1 tamén funcionará dende Windows 7, conservando os
ficheiros, pero precisando da reinstalación das aplicacións, mentres que dende
Windows XP e Windows Vista deberÃa optarse por unha nova instalación.