Xuntanza sobre solucións de Internet para empresas na Coruña

Mañá martes, día 27 de novembro a partires das 18:00 horas, terá lugar na Fundación Caixa Galicia de A Coruña, o relatorio Solucións Internet para empresas de servizos profesionais, que organiza Eganet en colaboración coa Dirección Xeral de Promoción Industrial e da Sociedade da Información.
Da man de Jaime Arregui, consultor senior da empresa Interacción, exporanse entre outras cousas, as aplicacións innovadoras para a xestión de equipos humanos e para o intercambio de arquivos entre empresas e clientes de xeito seguro.
A sesión, que estará aberta a todo o público interesado, está concibida como un foro de debate no que os asistentes poderán propoñer preguntas e obter respostas do experto convidado.