Yahoo! podería pórse de novo á venda
xoves, 26 de febreiro do 2009
A firma
estadounidense de Internet, Yahoo!, que comezou o ano, segundo
algúns medios, “co pé dereito” ao
incrementar a cota de mercado de procuras no seu país “natal” ata nun 0,5 por
cento, por enriba do seu competidor, Google, vén agora de anunciar a venta do
seu negocio de procura, “profundamente
ligado con outros produtos en liña e propiedades da compañía”.
O presidente financeiro
da empresa, Blake Jorgensen, deu a coñecer que “non se opón” a un acordo que potencialmente poría á venda o seu
negocio e afirma que calquera acordo, ben sexa de asociación ou venda, “sería polas razóns e os aspectos económicos
correctos”.
As fontes sinalan
a Microsoft como o máis “interesado”
en chegar a un acordo de procura con Yahoo! para, segundo afirman, “competir contra o líder do mercado, Google”.
Yahoo!, que xa
rexeitou o pasado ano unha oferta de adquisición por parte de Microsoft por
47.500 millóns de dólares, viu como se colapsaba un acordo para formar unha
sociedade de publicidade en procuras con Google por mor das “preocupacións antimonopolio”.
Agora, a linguaxe
entre Yahoo! e Microsoft “estase a
suavizar”, tal e como vén de afirmar Sandeep Aggarwal, analista de Collins
Stewart, e engade, “ambas compañías
poderían estar entrado nunha fase de negociación máis amable”.