Zarpamos anuncia os gañadores do seu concurso para proxectos emprendedores
mércores, 20 de febreiro do 2013
O pasado venres celebrouse na Coruña a xornada
final de selección de proxectos do Concurso motiON organizado pola
aceleradora de empresas Zarpamos, que ten como obxectivo seleccionar proxectos
emprendedores que pasarán a formar parte das súas empresas aceleradas, que
nunha primeira quenda contou cun total de 24 proxectos que foron avaliados
polos seus partners e mentores, dos
que seleccionaron a 10 finalistas aos que recibiron neste último encontro para
seleccionar a 6 gañadores (e 2 suplentes).
O xurado deste concurso repartiuse en 4 mesas polas que foron pasando os
proxectos, para analizalos en profundidade, compartindo comentarios e opinións
entre partners, mentores e
emprendedores, en conversas construtivas que axudan a comprender o potencial
dos proxectos. Entre os mentores presentes podemos destacar a Tina Yang, Tech
& Wireless Executive de Truphone; Fernando Vázquez, director xeral de
Imatia; Axel Serena, director xeral de Vittalia e Business Angel; e Roi Correa,
director xeral de Menus.es; que coa súa experiencia en iniciativas de éxito
puideron resultar de inestimable axuda a esta fase de selección que leva a negociar a
entrada en Zarpamos dos seguintes proxectos:
· KollectBox, orientado a coleccionistas
· FaceDetection, sistema de etiquetado automático mediante intelixencia
artificial
· Kuiik, xestión de CRM e marketing
útil
· Lukkom, servizo social de negocios
· Appvisor, plataforma de servizos profesionais do coñecemento
· Wob, xestión da información para marcas
Quedan entre os suplentes os proxectos Lookality e IAM Detecytor.
- Os proxectos presentados foron analizados polo miudo
- Javier Rocamora dando detalles sobre o proxecto Appvisor na xornada do pasado venres
- Tina Yang (Truphone) foi unha das mentoras do concurso organizado por Zarpamos
- Durante a xornada do dÃa 15, partners, mentores e emprendedores puideron intercambiar comentarios sobre os distintos proxectos aspirantes a seren acelerados por Zarpamos
- Roi Correa, de Menus.es, é un dos mentores do Concurso motiON
- Os finalistas puideron amosar os seus proxectos ante mentores e partners do Concurso motiON