A praia de Samil (Vigo) terá acceso á Rede de balde mediante Wi-Fi durante o mes de agosto
venres, 3 de agosto do 2007
Manuel José Fernández Iglesias (director xeral de Comunicación Audiovisual
da Xunta de Galicia e conselleiro delegado de Retegal), Jesús GarcÃa Porto (director
xerente de Retegal) e Abel Caballero (alcalde de Vigo) participaron esta maña
no acto de presentación dun proxecto piloto que achegará Internet de balde á praia de Samil.
Deste xeito, tódalas persoas que visiten a praia viguesa de Samil (ou a de O Vao) o mes de
agosto poderán valerse dun acceso á Rede mediante Wi-Fi, grazas a un convenio
de colaboración entre Retegal, a SecretarÃa Xeral de Comunicación, o Concello de Vigo e
o Hotel Samil.
Esta experiencia pretende analizar o grao de utilización destas infraestruturas
con vistas ó despregue dun servizo permanente de acceso á Internet noutras
praias galegas para o vindeiro verán.
Para poder acceder á Rede na praia de Samil dende un dispositivo Wi-Fi (un portátil,
unha PDA ou mesmo unha consola de videoxogos que sexa compatible co estándar
IEEE 802.11b/g) só deberán intentar acceder a algunha web dende o seu navegador
de Internet para que se lles pregunte polo seu nome de usuario e contrasinal
(que serán retegal e samil27 respectivamente) tralo que
quedarÃan autorizados para facer uso da web libremente.
As conexións efectuadas dende a praia canalÃzanse dende un hotspot sito no Hotel Samil ata o centro de Retegal en Domaio
mediante un radioenlace de 36 Mbps, tralo que se conectan coa rede multiservizo
do operador galego, dándolle acceso á Internet.