Randín, Castrelo de Miño e Manzaneda contarán cunha rede sen fíos de acceso público á Internet

O conselleiro de Innovación e Industria, Fernando X. Blanco, continúa a asinar convenios de colaboración cos concellos galegos para a implantación de redes de comunicacións sen fíos de acceso público á Internet e para a posta en marca de centros de dinamización e formación nas TIC, confirmándose que Randín, Castrelo de Miño e Manzaneda seguirán a Curtis, Muxía, San Sadurniño, Ponteareas, Tomiño e Cuntis.
Deste xeito coñecemos xa a 9 dos 14 vila que contarán con redes Wi-Fi, WiMAX ou mixtas para achegar o acceso público á Rede ós cidadáns, o que será especialmente útil para os lugares con problemas de cobertura telefónica, pois poderán empregar a tecnoloxía sen fíos para establecer comunicacións de voz sobre IP.