O Batman de LEGO estreará videoxogo en 2008

A división de lecer interactivo da Warner e Travellers’s Tales Games confirmaron que en 2008 estrearán para videoconsolas e PC o xogo LEGO Batman: El Videojuego que seguirá a liña de Star Wars e Indiana Jones en converter a grandes heroes do cine en videoxogos baseados en deseños de pezas de LEGO (de feito, contará co mesmo equipo de desenvolvemento).
O fabricante de xoguetes LEGO xa conta cunha liña dedicada ó cruzado da capa, e co novo xogo os usuarios poderán tomar o papel de Batman e Robin, así como dalgúns dos seus malvados inimigos coma o Joker ou o Pingüín, non faltando en escena os fantásticos vehículos e trebellos que emprega Batman para loitar contra o mal.
O novo xogo poderase terá un modo solitario e outro cooperativo (2 xogadores simultáneos) e sumarase en poucos meses á cada día máis grande franquicia de Batman.
Para presentar o videoxogo xa circula na Rede un breve trailer: