Ábrese o rexistro preferente de dominios .dev
luns, 18 de febreiro do 2019
Como avanzamos
a finais do ano pasado, os dominios
de primeiro nivel .dev abriranse mañá ao público nun programa de acceso
preferente, de xeito que por 11.500 dólares será posible facerse cun dominio
.dev de xeito prioritario, cantidade que cada 2 días vai reducíndose drasticamente
até o 28 de febreiro, data na que para poder gozar dun dominio .dev chegará con
pagar a súa cota anual de 12 dólares.
Estes novos dominios administrados por Google están dirixidos ao seu uso por
parte de desenvolvedores, para que hospeden baixo os mesmos os seus blogs, as
súas ferramentas ou o que consideren oportuno, contando como característica
especial a súa seguridade, xa que estes dominios están incluídos na listaxe
predeterminada de HSTS xa que é obrigatorio que as conexións que comuniquen cos
mesmos sexan HTTPS.