As metodoloxías áxiles e o concepto de OKR, ao detalle nun novo curso de Vitae e Javier Garzás
martes, 16 de novembro do 2021
Javier
Garzás, un máis prestixiosos formadores tecnolóxicos do ámbito
estatal, prosegue este mes de decembro a súa frutífera colaboración
coa consultora galega Vitae. Faino
achegando o curso OKRs e Estratexia Áxil, unha actividade de
oito horas de formación que se desenvolven en formato de aula
virtual, os días 9, 15 e 16 de decembro. O curso preséntase como
unha nova porta de entrada ás metodoloxías áxiles aplicadas á
creación e á xestión de proxectos, cada vez máis presentes no día
a día das nosas empresas do sector TIC.
O
obxectivo é que rematemos a actividade formativa cunha manchea de
experiencias, consellos, aclaracións, guías e boas prácticas sobre
o uso de OKRs. Recursos que nos permitirán traballar cos nosos
propios OKRs e que “con toda esa bagaxe poidamos proseguir
evolucionando”.
Por
certo que OKR son as siglas en inglés de Objectives and Key
Results que galego podería traducirse como obxectivos e
resultados clave: os obxectivos poden ser os resultados que queremos
obter, e os resultados clave son os parámetros que serven para saber
se nos atopamos no camiño correcto para alcanzalos.
O
curso está dirixido a directivos, xefes de proxecto, propietarios de
produto, etc.
Non
se requiren coñecementos previos de metodoloxías áxiles.
A
persoa encargada de impartir os contidos é Javier Garzás, doutor
cum laude e enxeñeiro superior en Informática. Con estudos
post-doutorais e investigador convidado na Universidade Carnegie
Mellon dos Estados Unidos (onde desenvolveu tarefas de investigación
en metodoloxías áxiles), é experto en equipos profesionais e en
recursos innovadores para a materialización de proxectos avanzados.
Até o de agora ten axudado a máis de 80 empresas a mellorar os seus
procesos de xestión e traballo.Adícase a axudar a empresas que
fagan mellor software (en tempo, con produtividade, con calidade e
con felicidade). É autor do blog www.javiergarzas.com,
que conta cunha media de 2.500 visitas diarias.