As vendas da Wii superan 6 a 1 á PS3 no Xapón
martes, 3 de xullo do 2007
Xa temos falado de que a
Nintendo Wii está a superar amplamente á PS3 de Sony en vendas, pero agora
coñecemos os datos relativos a Xapón para as 4 primeiras semanas do mes de
xuño, cando Nintendo vendeu 270.974 unidades da Wii, mentres que Sony colocou
41.628 unidades de PS3 e Microsoft 17.616 consolas Xbox 360. Deste xeito,
teriamos que a
relación de vendas Wii-PS3 é de máis de 6 a 1, mentres que en abril era 4 a 1 e en maio de 5 a 1, ou sexa, que as
distancias entre as consolas de Nintendo e Sony están lonxe de achegarse.
A Nintendo DS tamén está a incrementar a súa demanda, mentres que a PSP de Sony
perde pulo, dando a impresión de que a innovación nos videoxogos está a pesar
moito máis que as prestacións técnicas.