Kinect coloca 1 millón de unidades en 10 días
luns, 15 de novembro do 2010
Non parece haber dúbidas
sobre a boa
recepción que ten Kinect nos EE.UU., e finalmente Microsoft deu datos
oficiais sobre as vendas deste novo accesorio para a Xbox 360 que converte ao
corpo do usuario no seu mando de control, asegurando que en
10 días conseguiron vender 1 millóns de unidades a nivel mundial, agardando
chegar aos 5 millóns de unidades ao rematar o ano, o que podería servir para
dar un importante pulo a esta plataforma de xogos que de cara á campaña de
Nadal poderá atraer a unha serie de usuarios á consola de Microsoft que
tradicionalmente optarían por dispositivos como a Wii. De feito, dende a cadea
de tendas Best Buy estiman que «Kinect
vai ser un dos agasallos obrigados» nas festas de Nadal.
Á revolución nos xeitos de xogar hai outro factor a ter en conta no éxito da
Xbox 360 nos EE.UU., coma son as súas facilidades multimedia ou de cara ás
redes sociais, pois un estudo recente sostén que a consola de
Microsoft só está a empregarse para xogar o 60% do tempo, o que ratifica
que as consolas de videoxogos de alta definición están a converterse en canles de
distribución de servizos e contidos, o que ferramentas coma Kinect poden
amplificar, xa que achegan novas interfaces de uso e tamén facilita a
realización de videoconferencias no salón da casa, mellorando as posibilidades
de comunicación dos seus usuarios.
