O ICOIIG mostrou en Santiago como converternos en exploradores de mercados
luns, 29 de abril do 2019
O
venres pasado, o Colexio de Enxeñeiros
Industriais de Galicia (ICOIIG) organizou en Santiago unha nova
xornada sobre novas tecnoloxías ao servizo das empresas: ao servizo
da súa transformación e tamén da súa competitividade, eficiencia,
rendibilidade, comunicación e optimización. Desta volta, púxose o
foco na investigación de mercados.
Contouse
coa presenza de Luís García Deber e Rafael Vázquez, director
xerente e economista social da Fundación Ronsel. Ambos expuxeron os
modelos de emprendemento máis puxantes na actualidade, detallaron
cales son as competencias emprendedoras máis valoradas e analizaron
a metodoloxía Lean como “a máis eficiente e proveitosa para
acometer un proxecto de emprendimiento”.
Amais,
destacaron as oportunidades que ofrece “a versión dixital do
emprendimiento fronte ao modelo tradicional, tales como a rapidez e o
custo reducido no desenvolvemento dunha iniciativa profesional
propia”.
A
segunda xornada, a cargo de José Manuel Castro Pérez, responsábel
de Vixilancia Competitiva do IGAPE, centrouse en mostrar con casos
prácticos como a identificación dos clientes é diferente segundo
os diversos sectores aos que se dirixen os negocios. En concreto,
presentáronse exemplos galegos dos sectores de materiais de
construción, arquitectura efémera, comercio, industria
agroalimentaria e turismo rural.
Ademais,
Castro Pérez facilitou información sobre o uso das ferramentas
Hontza e Feedly+IFTTT, que permiten unha monitoraxe “constante e
sistemática do mercado” para recibir e tratar información
referente a clientes, mercados, competencia. Deste xeito, dixo,
“axilízase a detección das oportunidades de negocio e
increméntanse as posibilidades de éxito”.
124
accións nos vindeiros meses
A
actividade deste 26 de abril en Santiago enmárcanse nun intenso
calendario de 124 accións coas que o ICOIIG chegará ás sete
principais cidades galegas até o próximo mes de setembro. Todas
elas son de acceso libre e de balde para todas as empresas
interesadas.
Esta
campaña divulgativa afondará en aspectos como a forma de sacarlle
proveito á realidade aumentada, as oportunidades da impresión 3D,
as solucións que permite a análise da información a gran escala
(Big Data) o desenvolvemento da mercadotecnia dixital, a
Intelixencia Artificial, a robótica, a dixitalización dos almacéns
coa loxística 4.0, a aplicación da tecnoloxía blockchain
aos negocios, as contribucións do uso de drons nas empresas ou a
utilidade da ciberseguridade ante os riscos dixitais.
As
Oficinas de
Transformación Dixital postas en marcha en toda España polo
Ministerio de Economía e Empresa, a través da entidade pública
Red.es, contan cun orzamento global de cinco millóns de euros. As
actuacións a realizar serán financiadas con cargo ao Programa
Operativo Plurirrexional de España (POPE), Fondos Europeos de
Desenvolvemento Rexional (FEDER) do período de programación
2014-2020 e baixo a lema Unha maneira de facer Europa que ten
entre os seus obxectivos mellorar o uso, a calidade e o acceso ás
Tecnoloxías da Información e a Comunicación (TIC).